2zaheer

ستاينه !!!

02.10.2012 12:32

ستاينه !!!
- شاعرچې راته خپل شعر واوراوه نو ما ورته وويل :واه ! واه ! تر ټولو ښه شعر دې راته ووايه ! مسکا يې په شونډو راخوره شوه او ډير خوشاله شو
- د پوهنتون استاد سره د پوهنتون په انګړ کې مخامخ شوم ورته ومې وويل : زموږ په استادانو کې تاسو هغه استاد يې چې تر ټولو ښه لکچر ورکوې ،خندا يې وکړه او ډير خوشاله شو. په امتحان کې يې ښې نمرې هم راکړې .
- ډاکټر ته مې په خپل کتنځي کې وويل : زموږ د ښار په ټولو ډاکټرانو کې ، تاسو د ډير ښه نوم خاوند ياستی ،ډير خوشاله شو او په دې خوشالۍ کې يې رانه فيس هم وانخيست .
- انجنير د کور د نقشې په ډيزان اخته و ، د هغه نقشه مې چې وکتله نو ورته ومې ويل : باور نه کوم چې په دې ټول ښار کې دې ، بل انجنير ستا په څير ښه نقشه ايستلي وي ، زما د خبرې سره سم يې قلم په ميز کيښود، لومړی يې ښه په مينه راته وکتل او بيا يې د خوښۍ ډکه خندا وکړه .
- دوکاندار نه مې سودا اخيستله ، چې پيسې مې ورکړې نو ورته ومې ويل : تر ټولو با انصافه دوکاندار ته يې ، ډير خوشال شو ، ژر يې د خپل دخل نه يو څو روپۍ راواخيسې او بيرته يې راکړې .
ما دې ټولو ته هغه څه وويل چې هيڅ واقيعت او حقيقت يې نه درلود ، خو يوه هم زما خبره رد نه کړه .
 په پای کې دې نتيجې ته ورسيدم چې هر څوک په ستاينوخوشاله کيږي  که څه هم چې واقيعت به نه وي


ستاسو تبصره


لطفاً لاندې افغانستان په انګليسي تورو وليکئ.
10138 commented source lines (including JavaDoc HTML files).